Ақп 13, 2020 22:22 Asia/Almaty
  • Ресейдің Қорғаныс министрлігі Түркияның Сирияның ішкі ісіне араласқанына  реакция білдірді

Ресейдің Қорғаныс министрлігі: "Түркияның өз міндеттемелеріне берік болмауы Сирияның Идлиб облысында дағдарыстың туындауына әкеліп соқтырды",-деп мәлімдеді.

IRNA ақпарат агенттігінің хабарлауынша, Ресейдің Қорғаныс министрлігі бейсенбі күні бір мәлімдемесінде Түркиядан Сирияның Идлиб аймағындағы лаңкестер үшін қару-жарақтар жіберілгеніне тоқталып: "Идлибтегі дағдарысты жағдай лаңкестердің шабуылы салдарынан көршілес аудандарға таралып кетті",-деп мәлімдеді.

Осы мәлімдемеде: "Идлибтегі лаңкестерге сырттан қолдау көрсетілуде. Түркия мен Сирияның шекарасы арқылы Идлиб аймағына қару-жарақтар мен оқ-дәрілер тасымалданады",-делінген.

Сирияның Идлиб аймағындағы жағдай соңғы апталарда лаңкестердің шабуылдары салдарынан елдің басқа жерлеріне таралды.

Түркияның Сирия жерінде заңға қайшы әскери құрал-жабдықтарының болғанына және Идлиб облысында Анкараның қолдауына ие лаңкестердің атысты тоқтату бітімін талай рет бұзғанына қарамастан, Сирия армиясы да кейінгі кезде облыста ілгерілеп, оның жартысынан көбін лаңкестік топтардың қолынан босатты.

Тегтер

Сараптама