Қаң 26, 2021 00:13 Asia/Almaty
  • Тәжікстан өзінің әскери қуатын Қазақстан берген құрал-жабдықтармен арттырады

Қазақстан Тәжікстанның қорғаныс қуатын нығайту мақсатында осы елге тегін әскери құрал-жабдықтар береді.

Fars ақпарат агенттігінің хабарлауынша, тиісті келісімге қол қойылғаннан кейін бұл құжат екі елдің парламенттеріне ратификациялануға жіберіледі.

Осы құжатты орындауға жауапты органдар – Тәжікстан мен Қазақстанның қорғаныс министрліктері.

Қазақстанның әскери-техникалық құралдары Тәжікстанға теміржол арқылы жіберіледі.

Қазақстанның оқ-дәрілер, инжеренерлік, медициналық және коммуникациялық құрал-жабдықтардан тұратын  соңғы әскери көмегі 2019 жылы Тәжікстанға жөнелтілген болатын.

Қазақстан биыл әлемнің 138 елі арасында әскери қуат тұрғысынан 62 орында тұр. Бұл елдің қорғаныс саласына бөлетін бюджеті 4 млрд доллар деп есептелді.