Oct 19, 2021 05:32 Asia/Kabul
  • د قندهار د ترهګرې حملې زخمیان ایران ته منتقل کړې شول

د افغانستان په قندهار ښار کښې په فاطمیه جامع جومات باندې د وروستۍ ترهګرې حملې ځینې زخمیان پرون د درملنې لپاره د ایران اسلامي جمهوریت ته منتقل کړې شول.

د افغانستان په قندهار ښار کښې په فاطمیه جامع جومات باندې د وروستۍ ترهګرې حملې ځینې زخمیان پرون د درملنې لپاره د ایران اسلامي جمهوریت ته منتقل کړې شول.

دغه کسان په قندهار کښې د درملیزو امکاناتو د نشتوالي او د طالبانو د لنډمهاله حکومت په غوښتنه د ایران اسلامي جمهوریت ته منتقل کړې شول ترڅو د ایران په روغتونونو کښې یې درملنه وشي.

پرون هم داشان په قندهار کښې د شیعه مسلمانانو په جومات باندې د ترهګرې حملې د شهیدانو او زخمیانو د کورنیو لپاره د ایران د انساني مرستو نهمه جوپه د هوا له لارې قندهار ته ورسیدله.

په دغه جوپه کښې ۲۵ ټنه خوراکي، صحي او درملیز مواد شامل دي.

د ویلو ده چې د داعش ترهګرې ډلې کسانو د تیرې جمعې په ماسپښین د افغانستان د جنوب په قندهار ښار کښې د امام بارګاه په نامه په بي بي فاطمه نومې جومات باندې حمله وکړه چې له امله یې لږترلږه ۴۳ لمونځ کونکي شهیدان او له سلو زیات نور زخمي شوي دی.

 

ټیګونه