Pars Today

د طالبانو د وزیراعظم وړومبي مرستیال حکومتي ارګانونو ته حکم ورکړ چې په افغانستان کښې له زلزله ځپلو سره مرستې دې په فوري توګه پيل کړي.

د فارس خبري آژانس په لیکنه د طالبانو د لنډمهاله حکومت د وزیراعظم وړومبي مرستیال ملا عبدالغني برادر په پکتیکا، خوست او د افغانستان په ځینو نورو ولایتونو کښې له راغلې زلزلې د خواشینۍ په څرګندولو سره د دغې پيښې له ځپل شویو او د قربانیانو له کورنیو سره د سمدستي مرستو غوښتنه وکړه.

ملا عبدالغني برادر د قربانیانو له پاتې شویو او له زیانمن شویو کورنیو ره د خواخوږۍ په څرګندولو سره حکم وکړ چې زلزله ځپلو ته دې سمدستي مرستې ورسولې شي.

ملا برادر چې په طبیعي پیښو د غور د کمیشن د مشرۍ دنده هم په غاړه لري، ټینګار کړی چې اړونده ارګانونه دې خپل ټول امکانات له خلکو سره د مرستې په لړ کښې وکاروي.