Jul 31, 2022 14:52 Asia/Kabul

زمونږ خبریال وايي د افغانستان په سهیل زابل او قندهار ولایتونوکې لس (۱۰) تنه مجرمین دامنیتي ځواکونو له خوا څخه نیول شوي .

د زابل امنیه قوماندانۍ د جنایي جرمونو د مدیریت مدیر عصمت الله کرامت رسنیو ته ویلي چې (۶) تنه کسان یې په مرکز کلات کې د جنایي جرمونو په تړاو هغه مهال ونېول چې په ټولنه کې يي غیر اخلاقي او غیر قانوني کارونه کول.

له بل اړخه په قندهار کې هم (۴) تنه غله د امنیتي ځواکونو په ځانګړو عملیاتو کې نیول شوي.

دغو کسانو د ښار د صرافۍ له مارکېټ څخه شتمن کسان څارل او وروسته به ېې په متختلفو سیمو کې په زور ترې پیسې اخیستلې .

ویل کیږي چې یاد کسان یې د يو تن څخه د پيسو د غلا کولو په وخت کې لاس په لاس نیولي دي.

نيول شويو کسانو په لومړنيو څېړنو کې په دوو وژنو او د شتمنو کسانو د ټپي کولو په څلورو پېښو باندې اعتراف کړى دى .

تر دې وړاندې دافغانستان په کندز ولایت کې (١٩) تنه د جنايي جرمونو په تور نيول شوي وو.

 

ټیګونه