Jan 25, 2020 05:48 Asia/Kabul
  • افغان حکومت دجیلونود مدیریت لپاره خپلواکه اداره جوړوی

په افغانستان کې د زندانونو او توقیف مرکزونه اوس د کورنیو چارو، دفاع ، عدلیې وزارتونو او ملي امنیت ریاست لخوا اداره کیږي.

د افغان رسندویو له راپور سره سم د افغانستان  ولسمشر محمد اشرف غني د نوي فرمان پر اساس، په ټولو زندانونو کې د ۳۰ زره بندیانو مدیریت یوې غیر نظامي خپلواکې دفتر ته سپارل کېږي.

د ښاغلي غني فرمان کې راغلي دا پریکړه چې د قانون حاکمیت ، د مجرمینو اصلاح او د بندیانو د ستونزو حل، د زندانونو د پرسونل د مسلکي ظرفیت لوړولو لپاره شوې.

د فرمان له مخې به ټول زندانونه له دې وروسته د نظامي څخه ملکي سکتور او یوې خپلواکې ادارې ته ولیږدول شي.

په دې فرمان کې د مالیې وزارت څخه هم غوښتنه شوې چې د زندانونو ټوله بودیجه له اوسنيو ریاستونو څخه نوې تشکیلیدونکې څانګې ته وسپاري.

په افغانستان کې د زندانونو او توقیف مرکزونه اوس د کورنیو چارو، دفاع ، عدلیې وزارتونو او ملي امنیت ریاست لخوا اداره کیږي.

په دغو ټولو زندانونو کې اوس مهال ۳۰ زره بندیان ساتل کېږي.

 

 

 

ټیګونه

کمنټونه