Mar 30, 2020 05:27 Asia/Kabul
  • افغانستان کښې د نوي حکومت په هکله خبرې روانې دي

تسنیم خبري اژانس وايي د افغانستان د ولسمشر اشرف غني سلاکار وحید عمر د اساسي قانون په چوکاټ کښې د نوي حکومت د جوړولو په هکله د خبرواترو د دوام خبر ورکړ .

هغه پرون د اشرف غني او د عبدالله عبدالله د خبرو اترو په هکله چې دواړه ځانونه د ولسمشرۍ په انتخاباتو کښې ګټونکي ګڼي وویل په افغانستان کښې د نوي حکومت دجوړولو په هکله د دغو دوو (۲) مشرانو خبرې اترې دوام لري .

وحید عمر وویل هر کار باید د افغانستان د  اساسي قانوني په چوکاټ کښې ترسره شي او له اساسي قانون بهر به هیڅ موافقه ونشي .

د افغانستان د ولسمشر اشرف غني د سلاکار وحید عمر دغه څرګندونې په داسې حال کښې دي چې د عبدالله عبدالله او د  اشرف غني د انتخاباتي ټیمونو ترمینځ شخړې اوس هم دوام لري او امریکا هم ګواښ کړی دی د اختلافاتو د دوام په بڼه کښې به له افغانستان سره یو میلیارډ ډالره مرستې کمې کړي .

 

ټیګونه

کمنټونه