Oct 24, 2020 14:52 Asia/Kabul

د وسله والو طالبانو ویاند ذبیح ا.... مجاهد په یو ټویټر پیغام کې لیکلي چې په یاده چاودنه کې هاموې ټانګ له مینځه تللی او (۵) پولیس وژل شوي.

 زمونږخبریال  له غزني راپور راکړ نن سهار د افغانستان د غزنی ولایت مرکز اړوند (د کابل غزنی) پر لویه لاره د (روضې کوتل) په سیمه کې دعاموخلکو پر یوه ګادي دسړک غاړې ماین چاودنه شوې چې ئې د ښځو پشمول اته کسان وژل شوي دي .

په راپور کې وئيل شوي چې ددغې چاودنې په وخت دغې  سیمې ته د پولیسو یو هاموې ټانګ هم رسیږي چې دسړک دغاړې ماین دچاودنې ښکار ګرځي، د وسله والو طالبانو ویاند ذبیح ا....مجاهد په یو ټویټر پیغام کې لیکلي چې په یاده چاودنه کې هاموې ټانګ له مینځه تللی او (۵)  پولیس وژل شوي.

 خو حکومتي سرچینې وائي یوازې درې ماموران پکې ټپیان شوي دي .

دا په داسې حال کې ده چې څلور ورځې وړاندې دغزنی په قره باغ ولسوالۍ کې د یو موټر بمب چاودنې په ترڅ کې دری(۳) تنه پولیس ټپیان شوي وو.

 

ټیګونه

کمنټونه