Oct 13, 2021 14:26 Asia/Kabul
  • د افغانستان د حکومت دنده د ترهګرۍ له مینځه وړل دي

ایرنا خبري اژانس وايي د ایران د خارجي اړیکو د سټراټيژیکې شورا مشر کمال خرازي وویل د اوسني حکومت دنده ده چې ترهګر د افغانستان له ډګر حذف کړي .

هغه زیاته کړه له ترهګرۍ سره مقابله او د داعش ترهګرې ډلې لخوا د شیعه مسلمانانو په جوماتونو او ښوونځيو کښې د بې ګناه انسانانو د وژلې په شان د جنایتونو مخه نیول په لومړۍ درجې کښې د اوسني حکومت دنده ده چې ترهګر د افغانستان له صحنې حذف کړي .

کمال خرازي وویل د طالبانو ګټې او د دغه ډلې د اصلي ملاتړي په توګه د پاکستان ګټې دا ایجابوي چې په واکمنۍ کښې د طالبانو کړچار بدل شي چې د افغانستان  دننه سوله او له ګاونډیانو سره د هغه د ښه ګاونډیتوب نیت تحقق ومومي .

د ایران د خارجي اړیکو د سټراتيژیکې شورا مشر کمال خرازي وویل په افغانستان کښې د ایران د اسلامي جمهوریت جایزې ګټې د دواړو هیوادونو د سرحدونو د امنیت تامینول ، د ایران د اسلامي جمهوریت خاورې ته د ترهګرو د نفوذ او د ټروریسټي ډلو د فعالیت مخه نیول ، ایران ته د نشه ییزو موادو د انتقال مخه نیول په افغانستان کښې د شیعه مسلمانانو او د نورو افغان قومونو د حقوقو رعایتول ، د افغانستان د خلکو د میراث د یوې (۱) برخې په توګه د فارسۍ ژبې پراخول ، په ایران کښې د هستوګنه افغان کډوالو د بیرته د ستنیدا د زمینې برابرول ، د ایران د اوبو د حق تامینول ، د افغانستان او د ایران ترمینځ د تجارت او د سوداګرۍ پراخول او د افغانستان په بیارغونه او پراختیا کښې ګډون کول دي .

کمال خرازي وویل د افغانستان په خاوره کښې د ناټو او د امریکا د ځواکونو په شمول د خارجي عسکرو څو لسیزې شتون او هغه غمیزې چې دوې رامینځته کړې باید د افغانستان د  مظلومو خلکو او د واکمنانو لپاره د عبرت درس ووسي چې دغه هیواد یوځل بیا د نړیوالو او د سیمې د قدرتونو ځاله جوړه نشي .

د ایران د خارجي اړیکو د سټراټيژیکې شورا مشر کمال خرازي ټینګار وکړ په افغانستان کښې د ایران سیاست د طالبانو په کړچار پورې اړونده دی او که چیرې په افغانستان د حرکت لاره د پراخ بنسټه حکومت د جوړیدا ، د ټولو د قومونو د امنیت او د حقوقو د تامینیدا ، له ترهګرۍ سره د مقابلې او د ښه ګاونډیتوب د سیاست د غوره کولو په لاره کښې وي د ایران اسلامي جمهوریت د افغانستان له حکومت او ملت سره هر ډول ملګرتیا کولو ته تیار دی .

 

ټیګونه