Jan 15, 2022 12:21 Asia/Kabul
  • د افغان ضرورتمنو د ژمي د سونګو د پوره کولو لپاره د ايران مرستې دوام لري

د افغانستان له ضرورتمنو خلقو سره د ايران د اسلامي جمهوريت بشردوستانه مرستې هم هغه شان دوام لري.

د ايران پرېس د رپوټ له مخې د ايران اسلامي جمهوريت په تېرو دوو ورځو کښې د افغانستان په پائتخت کابل کښې ۵۰۰  ضرورتمنو کورنيو ترمېنځ د ژمي د سونګو د پوره کولو لپاره کوئله او لرګي ووېشل.

په مزار شريف او د افغانستان په نورو سيمو کښې هم د ژمي د سونګو د پوره کولو لپاره دغه شان مرستې د ايران د اسلامي جمهوريت په پروګرام کښې شاملې دي.

له دې مخکې هم ايران په افغانستان کښې په مختلفو وختونو کښې له ضرورتمنو کورنيو سره د اوړو، وريجو، شکرو او درملو مرستې کړې دي.

په افغانستان کښې د ايران د سفير مرستيال سيد حسن مرتضوي د اسلامي انقلاب د معظم رهبر د فرمان له مخې به په خاصه توګه د ژمي په موسم کښې له افغان ولس سره د ايران د خلقو مرستې دوام ومومي.

 

ټیګونه