May 23, 2022 14:03 Asia/Kabul
  • ورځپاڼو ته کتنه

اسراییلی کارپیژاندو اعتراف کړی دی صیهونیست رژیم تاجیکستان ته د ایران د بی پایلیټه الوتکو له صادرانو اندیښمن دې .

 

کیهان

 

نوموړی ورځپاڼۍ په خپل لومړی مخ لیکلی دی ، امریکا وایی ایران د تولید په زیاتولو سره د غنمو واردات ۲۴ فیصده کموي .

اسراییلی کارپیژاندو اعتراف کړی دی صیهونیست رژیم تاجیکستان ته د ایران د بی پایلیټه الوتکو له صادرانو اندیښمن دې .

د رهبرۍ له ستر مقام سره د قطر د امیر د کتنې په اړه الجزیرې چینل غلط نقل و قول کړی دی .

د ویسټ پواینټ په اکیډمۍ کې د امریکا د پوځ لوی درستیز وویل امریکا نور یوازنې قدرت ندې او راتلونکی ۲۵ کلونه به د نن په شان نه وي .

د سپاه پاسداران عمومي اړیکو دفتر ویلی دی د ترهه ګرو په یوه جنایتکارانه اقدام کې د مدافع حرم یو فعال شهید شوی دې .

فرانسه په اماراتو اتیا رافاییل جنګی الوتکې خرڅوي .

د سوډان په نارامیو کې په شپږو میاشتو کې ۹۶ کسان وژل شوي دي .

د تهران ولایت د عدلیې مشر په پلازمینې کښې د حرم د یو مدافع پاسدار د شهیدونکو عواملو د معلولو او نیولو ځانګړی حکم صادر کړی دی.

ورځپاڼه لیکی د ډګرمن صیاد خدايي له ناځوانمردانه ټرور او شهادت وروسته د تهران د عدلیې مشر علي القاصي مهر د پلازمینې څارنوال ته امر وکړ چې د دغه جنایتکاره اقدام د عواملو په معلومولو او نیولو کښې بیړه وکړي.

د تهران څارنوال هم له دغه حکم وروسته په خپله د جرم او پيښې ځاې ته لاړ او د دغه جنایتکاره اقدام د ترسره کیدو د طریقې او څرنګوالي جاج یې واخیسته.

رویټرز خبري اژانس راپور  ورکوی د پلار په تخت د کینستلو لپاره بن سلمان ته شین څراغ ورکړل شوی دی .

 

اطلاعات

ډاکټر کمال خرازی په دوحه کې د ایران او عربی نړۍ په غونډه کې وویل د سیمې د مشکلاتو اوارې د پردیو له شتون پرته بې پردې خبرې دي .

د ایران خارجه وزارت  سعید خطیب زاده وایی د شهید صیاد خدايي ټرور ته غبرګون وښوده. ورځپاڼه په دې اړه لیکی د ایران د بهرنیو چارو د وزارت ویاند د ډګرمن پاسدار صیاد خدايي د شهادت په مبارکۍ او تسلیت سره څرګنده کړهد ایران د اسلامي جمهوریت د مقدس نظام قسم خوړلو دښمنانو یوځل بیا د یو سر په تلي سپاهي په ټرورولو او شهادت سره خپل شرارت وښوده

د ایران د خارجه وزارت ویاند سعید خطیب زاده په تهران کښې د ترهګرو عملیاتو په غندلو سره د سرلوړي ډګرمن پاسدار صیاد خدايي د شهادت په هکله د دغه شهاد کورنۍ او د اسلامي انقلاب په سپاهِ پاسداران کښې د هغه همسنګرانو ته مبارکي او تسلیت  ووایه. خطیب زاده زیاته کړه چې په نړیوال استکبار پورې د پيئلو ترهګرو عواملو له خوا دغه انساني ضده جنایت په ډیرې خواشینۍ سره، له ترهګرۍ سره د مقابلې د مدعي هیوادونو له چپتیا او ملاتړ سره مل دی.

د پاکستان او چین خارجه وزیرانو د افغانستان حالات وڅیړل .

د عراق په شمال کې د ترکیې په اډې په ډرون حمله کې درې کسان ووژل شول .

صیهونیسټان وایی ۱۵ کلونه کیږی چی اسراییلو د حماس په وړاندی خپله بشپړه دفاع له لاسه ورکړه ده .

 

د قطر خارجه وزیر وویل بازار ته د ایران د تیلو راتلل د ثبات او د تیلو دنړیوالې بیې د کمیدا سبب کیږي .

محمد بن عبدالرحمان ال ثانی وویل د اسلامي ایران د اضافي تیلو ورزیاتیدا د بازارونو د ثبات سبب کیږي او د اومو تیلو بیه به راټیټه کړی

د قطر خارجه وزیرچی  تازه یې  د خپل هیواد له امیر سره تهران ته سفر کړی ، زیاته کړه ده ایرانی چارواکو مونږه ته اطلاع راکړی ده چی د ایټمی دوسیې د اواری لپاره مینځنی حل لارې ته د رسیدا لپاره چمتو دي . د قطر خارجه وزیر جوته کړی ده د ایران د ایټمی موضوع حل به په فارس خلیج کې له ثبات سره مرسته وکړی .

 

 

 

 

 

 

 

ټیګونه