Jun 24, 2022 04:50 Asia/Kabul
  • امریکا ایران ته تسلیمه شوه

د ویلو ده چې له دې سیالۍ مخکښې د امریکې ټیم د والیبال د روان کال د ولسونو د لیګ یوازنۍ ماتې نه خوړلې ډله وه

د ایران د اسلامي جمهوریت د والیبال ملي لوبډلې تیره شپه د ۲۰۲۲ کال د والیبال د ملتونو د لیګ په دویمه اونۍ په خپلې دویمې لوبې کښې له امریکې سره سیالي وکړه او دغه ټیم ته یې پریکنده ماتې ورکړه

د ایران پریس خبري آژانس د خبر له مخې د ایران د والي بال ملي ټیم د Volleyball Nations League په دویمې اونۍ کښې په خپلې دویمې لوبې کښې تیره شپه د بلغاریا په پلازمینه صوفیه ښار کښې له امریکې سره سیالي وکړه او وتوانیده چې دغه ټیم ته په دریو پرله پسې سِټونو کښې ماتې ورکړي.

د ایران د ملي ټیم لوبغاړو د دغې سیالۍ درې واړه سِټونه د 25 پر 18، 29 پر 27 او 27 بر 25 پواینټونو سره وګټل.

د ویلو ده چې له دې سیالۍ مخکښې د امریکې ټیم د والیبال د روان کال د ولسونو د لیګ یوازنۍ ماتې نه خوړلې ډله وه خو ایران یې د بریاؤ دغه لړۍ پرې کړه.

د ایران د سړیو د والیبال ملي لوبډله به نن خپله دریمه سیالي د برازیل په وړاندې وکړي.

 

ټیګونه