Jan 27, 2021 06:24 Asia/Kabul
  • د امریکانوي حکومت عمل نه بلکې یوازې خبرې کوي

د ایران خارجه وزیر دافغانستان د وروستیو حالاتو په بیانولوسره تهران ته دطالبانو ډلې دیوه پلاوي سفر ته په اشارې سره ، دافغانستان دمسئلو دحل لپاره ملګرتیاؤ په ضرورت ټينګار وکړ.

د ایران داسلامی جمهوریت خارجه وزیر  ددې خبرې په کولو سره چې  تهران د واشنګټن  په اپوټه جامعې  نړیوالې ایټمي موافقې ته پابند پاتې شوی ، ووئيل ، دامریکا نوي حکومت تر دې دمه تشې خبرې کړي او  له خپلې خوا ئې هیڅ ډول عملي ګام نه دی پورته کړی .

 محمد جواد ظریف  چې ماسکو ته په سفر تللی ،پرون مازدیګر ئې  په ماسکو کې د روسیې له خارجه وزیر سرګئ لاؤروف سره له خبرواترو وروسته په ګډ خبري کنفرانس کې  ددې خبرې په یادولو سره چې امریکا حتی د باراک  اوباما په پړاؤ کې   په جامعې نړیوالې ایټمي موافقې کې  خپلو ژمنو ته پابنده نه وه  وئيلي دي ،که امریکایان  خپل بندیزونه  او  د ایران  او دنیا  په اقتصادي اړیکو کې  لاسوهنې  ختمې کړي  او ایران ئې کومه نتیجه وویني ،  نو په داسې وخت کې به ا یران هم خپلو درستو ژمنو ته بیرته وګرځي .

 جواد ظریف  په دوام کې ددې خبرې په کولو سره چې  د ایران او روسیې اړیکې دوستانه دي زیاته کړې ده ،   ددغو  اړیکو عمر د امریکا له تاریخه لازیات دی .

 د ایران خارجه وزیر  همداراز دقره باغ دموضوع په باب هم ووئیل ،  د ایران لپاره د قره باغ  دبحران حل  له امینيت پلوه ضروري  ؤ .

 د ایران خارجه وزیر  دافغانستان د وروستیو حالاتو په بیانولوسره  تهران ته دطالبانو ډلې دیوه پلاوي سفر ته په اشارې سره ،  دافغانستان  دمسئلو دحل لپاره  ملګرتیاؤ په ضرورت ټينګار وکړ. 

د روسیې خارجه وزیرسرګئ لاؤروف هم  په دغه  ګډ خبري کنفرانس کې  د تهران او ماسکو  اړیکې دوستانه وبللې او وې وئيل ، د ایران اوروسیې اړیکې د امریکا او دهغې په شان  د ځينو نورو په نسبت خپلواکه دي ، هیله ښودلې چې امریکا  دې جامعې نړیوالې ایټمي موافقې ته په بیرته ستنیدا سره تیرې تیروتنې جبران  او  دنړیوالو په وړاندې دې خپل اعتماد  بحال کړي.

 

ټیګونه