Dec 02, 2021 17:40 Asia/Kabul
  • صهیونیستانو په یوه میاشته کې ۱۳۵ فلسطیني یانو ته مرګژوبله واړوله

په تېره میاشته کې په فلسطین باندې د صهیونیستي ترهګرو ځواکونو د بریدونو په دوام کې د دوو ماشومانو په شمول ۱۳۵ فلسطینی وګړو ته مرګژوبله اوښتې ده.

د فلسطیني سرچینو له راپور سره سم، د نوومبر په میاشته کې صهیونیستي ترهګرو ځواکونو په فلسطین باندې په برید کولو سره دوه ماشومان یې په شهادت رسولي او ۱۳۳ کسان یې تپیان کړي.

همدارنګه د دغه ترهګر رژیم ځواکونو د اردن د سیند په لوېدیځه غاړه او نیواکي قدس کې څه د پاسه ۱۹۹ فلسطیني یان نیولي او د فلسطیني یانو ۵۴ بابه کورونه او مغازې یې وران کړي دي.

د دې راپور له مخې د صهیونیستي ښارګوتي اوسیدونکو په تېره میاشته کې د فلسطیني یانو په کورونو او همدارنګه جوماتونو او مقدسو ځایونو باندې ۵۶ ځلي برید کړي.

 

 

 

ټیګونه