May 25, 2022 05:40 Asia/Kabul
  • صهیونیسټ رژيم د ماتیو د پټولو هڅه کوي

فلسطین انلاین اینټرنیټ پاڼې راپور ورکړ د الاقصی جومات خطیب شیخ عکرمه صبري وویل د بیرغ لاریون د خپل حیثیت د بیرته د ترلاسه کولو او په خپلو وروستیو ماتیو باندې د برغولي د کیښودلو لپاره د صهیونیسټ رژیم هڅه ده.

کابو دیرش کاله کیږي چې صهیونیسټان په نیواکي قدس کښې د بیرغ په نوم لاریون کوي او د صهیونیسټ رژيم د بیرغونو په لاسونو کښې نیولو سره د فلسطینیانو پرضدشعارونه ورکوي.

د صهیونیسټ رژيم  چارواکو ویلي دي چې روان کال د مي د میاشتې په ۲۹ نیټه یې  د نیواکي قدس په زړې برخې او په باب العامود محلې کښې ښارګي میشته خلکو ته د بیرغ د لاریون د ترسره کولو  اجازه ورکړي.

د قدس د دفاع د لوړ پلاوي مشر شیخ عکرمه صبري په تیرې یکشنبې ورځ هم ټینګار کړی و نیواکګران او یهودي سرزوري ډلې د هغه څه احیا کول چې د قدس وحدت نوموي د بیرغ د ستر لاریون په ترسره کولو سره غواړي په الاقصی جومات یرغل وکړي.

صبري وویل د بیرغ لاریون کومه نوي خبره نه ده او نیواکګرانو له دې مخکې هم د دغه لاریون په ترسره کولو سره هڅه کړي ده خو په ځلونو یې د دغه لاریون په ترسره کولو کښې ماتي خوړلي ده.

د الاقصی جومات خطیب شیخ عکرمه صبري ټینګار وکړ د عربو هیوادونو د چپتیا او د نیواکګر صهیونیسټ رژیم د تیریګرو دسیسو په وړاندې د دفاع نشتون په دوام سره به په قدس او الاقصی جومات باندې یرغلونو دوام ولري او بند به نشي.

 

ټیګونه