Sep 17, 2019 07:31 Asia/Kabul
  • یمن متحده عرب اماراتو ته هم خبرداری ورکړ

د یمن د پوځ یو جګ پوړي قومندان وویل: د اماراتو تیلي شرکتونه او شیشه ایز ښارونه به په راتلونکي کښې د یمني ځواکونو د اهدافو برخه وي.

د یمن د پوځ یو لوړرتبه قومندان پرون المیادین چینل ته په مرکه کښې وویل: د عربستان په مینځ کښې د تیلو په دوو میدانونو باندې حمله د اماراتو لپاره یو پياوړی پيغام او خبرداری و چې دغه هیواد یې باید په ښه توګه ترلاسه کړي.

له بلې خوا د یمن د وسله والو ځواکونو ویاند یحیی سریع په آرامکو کښې په کار اخته بهرنیو کارکونکو ته خبرداری ورکړی چې له دغو تاسیساتو ووځي ځکه چې دغه مرکزونه لاهم د دوي په شیش کښې دي او هره شیبه پرې د بیا حملې امکان شته دی.

هغه د عربستان حکومت ته په خطاب کښې ټینګار وکړ: مونږ د عربستان هره سیمه ویشتلی شو. ریاض باید خپل حساب کتاب بدل کړي او د یمن کلابندي او پرې تیری دې بند کړي.

 

ټیګونه

کمنټونه