Dec 07, 2019 07:37 Asia/Kabul
  • صهیونیسټانو د ستنیدو په مظاهرو کښې په ګډونوالو حمله وکړه

فلسطیني سرچینو ویلي چې د غزې په پولو کښې د ستنیدو په درې اتیایمو مظاهرو کښې په ګډونوالو باندې د صهیونیسټو پوځیانو په حمله کښې ۶ فلسطینیان زخمي شوې دي.

العهد خبري ویب سایټ خبر ورکړی چې د غزې په پولو کښې د ستنیدو د حق د مظاهرو درې اتیایمه جمعه د زرګونو فلسطینیانو په ګډون ترسره شوه.

د صهیونیسټي رژيم پوځیانو د تیرو اونیو په شان د اوښلن ګیس او هم داشان رسا ډزو سره د دغو صلحه ایزو مظاهرو د ځپلو کوشش وکړ.

د ویلو ده چې د فلسطینیانو د ستنیدو د حق صلحه ایزې مظاهرې چې د ۲۰۱۸ کال د مارچ له دیرشمې پیل شوې وې، د دریو اونیو له ځنډ وروسته یوځل بیا شروع شوې دي.

بل خبر دا چې د صهیونیسټي رژيم پوځیانو پرون د فلسطین په کورواکه تشکیلاتو پورې د اړوند (فلسطین ټي وي) نومې چینل څلور خبریالان ونیول او په قدس کښې یې د دغه چینل دفتر بند کړ.

 

ټیګونه

کمنټونه