Mar 06, 2021 06:41 Asia/Kabul
  •  عراق له ترهه ګرۍ اوافراط پالنې سره مبارزې ته دوام ورکوي

د کاتولیکانو رهبر پاپ فرانسس د هرکلي په دستورو کې خپلې تسبیح هم د الحشد الشعبي ځواک یوه قوماندان ریان الکلداني ته ډالۍ کړي دي په دې وخت د الحشد الشعبي ځواک مشر فالح الفیاض هم شتون درلود او پاپ فرانسس دعراق د امنیت په ټينګولو کې د الشحد الشعبي ځواک فعالیتونه وستایل .

 العالم ټيلیویژني چینل  راپور ورکړی ،دعراق ولسمشر برهم صالح پرون ناوخته  دبغداد په السلام  ماڼۍ کې د نړۍ دکاتولیکانود رهبر پاب فرانسس  له رسمي هرکلي وروسته  ټينګار کړی دی ، ختیځي مسیحیان ددغه ټاټوبي  اوسیدونکي دي او له مسیحیانو پرته د ختیځ تصور نشي کیدلی .

 د عراق ولسمشر  دمسیحیانو د مهاجرت   ددوام خطرناکو نتیجو ته په اشارې سره  وئيلی دي ،مونږ  دد ین له نامې  په ناسمې استفادې سره د   افراط پالنې دخوریدا اجازت نه ورکوو او  ظلم هیڅکله هم نه منو .

  دنړۍ دکاتولیکانو رهبر پاپ فرانسس  هم په دغو دستورو کې وئيلی دي ،عراق له کلونو راهسې له ترهه ګرۍ او افراط پالنې کړیږي  چې  د خلکو د زړونو د  دردیدا لامل شوي  او  دعراق له ولس سره دمرستې بهیر چې  غواړي ،  دحکومتي اورګانونو له لارې ئې راتلونکی ورغوي ، باید ونه دریږي .

پاپ فرانسس  روښانه کړې ده ،  باید  په دیني ، توکمیزو او فرهنګي ډولوالي کې  له موجوده ظرفیَتونو څخه  په سمه توګه استفاده  وکړو .  هغه  دې ته په اشارې سره چې ګډ سوله ایز ژوند  له عدالت قانون   څخه ډکو  صادقانه خبرواترو ته اړتیا لري ، د راتلونکي د جوړولو لپاره په عراق کې ګډ سوله ایز ژوند  ستایلی او وئیلی ئې دي ، باید  هغو ټولو کسانو ته  چې  غواړي وطن آباد کړي ، او دخلکو خدمت وکړي ،  فرصت ورکړو  او  د یوې ډیموکراټيکې ټولنې د جوړولو په زمینې کې  ګډون وکړو .

 داپه داسې حال کې دي ، چې  د کاتولیکانو رهبر پاپ فرانسس د هرکلي په دستورو کې  خپلې تسبیح هم د الحشد الشعبي ځواک یوه قوماندان  ریان الکلداني ته ډالۍ کړي دي  په دې وخت د الحشد الشعبي  ځواک مشر فالح  الفیاض  هم شتون درلود او پاپ فرانسس دعراق د امنیت په ټينګولو کې د الشحد الشعبي ځواک  فعالیتونه وستایل .

پاپ فرانسس  ناوخته د عراق له لومړي وزیر مصطفی الکاظمي سره هم کتنه او خبرې کړي دي ،دغه راز  د پاپ درې ورځني سفر کې له ستر  دینی مرجع آیت ا... سیستاني سره  لیده  کاته  او  په اور ښار کې د حضرت ابراهیم علیه السلام  دزیږنځاي  لیدل هم تر ټولو مهم پروګرامونه  دي .

 

ټیګونه