May 12, 2021 06:39 Asia/Kabul
  • د پاکستان د مذهبي چارو د وزير په شتون سره د فلسطين حالات وڅېړل شول

د ترکيې په کورباتوب او د پاکستان د مذهبي چارو د وزير په شمول د شپېتو هېوادونو د نمائندګانو په شتون سره د بيت المقدس او فلسطين د حالاتو د څېړنې هنګامي غونډه په آنلائن توګه اوشوه.

د اېرنا د رپوټ له مخې د پاکستان د مذهبي چارو وزارت پرون د يوې بيانيې په خپرولو سره وويل: د دغه هېواد د مذهبی چارو وزير پير نورالحق قادري په دغه آنلائن غونډه کښې په خپله وېنا کښې وويل، پاکستان د صهيونېسټ رژيم وروستي اقدامات د نړيوالو قوانينو څرګنده خلاف ورزي او د انساني اصولو په خلاف بولي او د فلسطين د مسلمانانو په خلاف د  صهيونېسټ رژيم د ګواښونو او يرغليزو سياستونو په دوام اندېښمن دے.

هغه د غزې په تړانګه د صهيونېسټ رژيم د حملو په غندلو سره د فلسطين له حکومت او ملت سره د پېوستون څرګندونه وکړه او زياته يې کړه، د مسجدالاقصی بې حرمتي او د بې دفاع فلسطينيانو په خلاف غېرانساني اقدامات هيڅکله د قبول وړ نه دي او ټول الهي دينونه د بيت المقدس په سپېځلې خاوره حملې نه مني.

د پاکستان د مذهبي چارو وزير همدارنګ د فسلطين د حالت د څېړنې او د صهيونېسټ رژيم د يرغليز  اقداماتو د مخنيوي لپاره د ملګرو ملتو د امنيت د شورا او د اسلامي تعاون تنظيم د فوري غونډو جوړولو غوښتنه وکړه.

 

ټیګونه