Nov 30, 2021 21:54 Asia/Kabul
  • پاکستان له بنګله دیش نه وړومبې ټسټ وګټه

د پاکستان د کرکټ ملي ټیم په ټي ټوینټي کښې له بري وروسته، په ټسټ لوبه کښې هم بنګله دیش ته ماتې ورکړه

د بنګله دیش ټیم د دوو ټسټ لوبو د سیریز په وړومبۍ سیالۍ کښې د ټاس په ګټلو سره وړومبې د بیټنګ کولو فیصله وکړه او په اول اننګ کښې یې ۳۳۰ منډې وکړې.

په ځواب کښې د پاکستان ټوله لوبډله په ۲۸۶ رنز وسوځیدله.

په دویم اننګ کښې بنګله دیش یوازې ۱۵۷ منډې جوړې کړې شوې چې د پاکستان ټیم د لوبې په وروستۍ یعنې پنځمه ورځ د دوو لوبغاړو په سوځیدو سره ۲۰۳ رنز وکړل او د بنګله دیش له خوا ورته ایښودل شوی هدف یې پوره کړ.

داشان پاکستان د کوربه هیواد بنګله دیش له ټیم څخه د دوو ټسټ سیالیو په سیریز کښې د ۱-۰ برتري ترلاسه کړه.

د ویلو ده چې پاکستان له دې مخکښې په شل اووریزو سیالیو کښې هم د بنګله دیش ټیم ته درې پرله پسې ماتې ورکړې وې.

 

ټیګونه