Mar 05, 2022 06:28 Asia/Kabul

د پاکستان په پیښور ښار کښې په جومات کې د ځانمرګي برید په هکله ستر دیني مرجع حضرت آیت ا... العظمی سید علی سیستانی دام ظله العالی دفتر په اعلامیې کې ددغه ستر دیني مرجع له خوا  د لمونځ ګوزارو په شهادت غم رازي  ښکاره شوې  او درستو غمجنو خویندو او وروڼو ته ئې د صبر اوزغم سپارښتنه کړې ده .

زمونږخبریال راپور راکړ،د پاکستان  دخیبر پختونخواه صوبې  په پيښور کې په کوچه رسالدار کې په امامیه جومات کې د جمعې لمانځه  دقایمونکو لمونځ ګوزارو په مینځ کې په ځان پورې د تړلو  چاودیدونکو  موادو وحشي ډوله جنایتکار په غیر انساني او تور زړي اقدام کې د شهیدانو شمیر اوه پنځوس تنو ته رسیدلی او وئیل کیږي ، چې  د ټپیانو شمیر هم له یوسل پنځه نوي تنو زیات ښودل شوی .

 داپه داسې حال کې دي چې  په دغه وحشي ډوله  او غیر انساني اقدام د پاکستان او درستې نړۍ غبرګونونه  راپورته شوي دي .

Image Caption

 

 د ایران د اسلامی جمهوریت  دخارجه وزارت ویندوي سعید خطیب زاده بیګا  دپيښور ددغې غمیزې په کلکو ټکو محکومولو سره ووئیل وحشي ډوله  جنایتکار د مسلمانانو ترمینخ د درز او  نفرت د زیاتولو لپاره دغه شان اقدامات کوي ، خو اوس مسلمانان ویښ شوي دي او ددغه ډول جنایتکارو  په دوکو نه غولیږي ، دپاکستان مسلمانان باید ددغه ډول جنایتکارو په خلاف په اتحاد او یوووالی سره مقابله وکړي .هغه د ایران د ملت او حکومت له خوا د پاکستان  دملت او حکومت او په تیره بیا د قربانیانو کورنیو سره خواخوږي ښودلې او د ټپیانو د زرترزره شفاء  لپاره ئې دعا کړې ده .

Image Caption

 

د پاکستان په پیښور ښار کښې په جومات کې د ځانمرګي برید په هکله ستر دیني مرجع حضرت آیت ا... العظمی سید علی سیستانی دام ظله العالی دفتر په اعلامیې کې ددغه ستر دیني مرجع له خوا  د لمونځ ګوزارو په شهادت غم رازي  ښکاره شوې  او درستو غمجنو خویندو او وروڼو ته ئې د صبر اوزغم سپارښتنه کړې ده .

حضرت آیت ا... العظمی سید علی سیستاني پخپل دغه پیغام کې وئيلي دي ،تاسو عزیزان او غمجنو کورنیو ته د تسلیت او غمشریکۍ مراتب وړاندې کوو او دوي لپاره صبر غواړو او د د دې غمجنې پېښې ټولو شهیدانو ته لوړې درجې او زخمیانو ته د عاجلې شفا غوښتنه کوو.

په دغه پیغام کې وئيل شوي دي ،دغه وحشتناک جنایت چې د مسلمانانو وحدت یې په نښه کړی دی غیر انساني اقدام دی  او د پاکستان له قدرمن حکومته په  ټینګار سره غواړو چې د ترهګرو ډلو له ظلم او جنایت څخه د بې دفاع خلکو د ساتنې لپاره دې  په لازمو اقداماتو غور وکړي. او دا اجازه دې ورنه کړي، چې د دوی مذهبي غونډې دې د سخت دریځو افراطي ډلو له خوا له تاوتریخوالي او وحشیانه بریدونو سره مخ شي.

  له دې سره په یووخت د پاکستان لومړی وزیر ولسمشر او نورو حکومتي چارواکو هم د خپل عادت په اساس ددغې غمیزې په سختو ټکو سره غندنه کړې او وئيلي ئې دي ، چې دوي ښه پوهیږي ، دغه جنایتکار له کوم ځایه راغلي او د چا لپاره کار کوي ،خو دیری کارپوهان او شناندي وائي ،کله دوي ته پته ده چې دغه جنایتکار له کوم ځایه راغلي او دچا لپاره کار کوي ،نو ډیره د حیرانتیا خبره ده چې بیا ولې د دوي خلاف کوټلي اقدامات نه کیږي .

Image Caption

 

  د پاکستان د جماعت اسلامی مشر  سراج الحق ، د جمعیت علماي اسلام ف څانګې مشر مولانافضل رحمن  او نورو مذهبی او سیاسی ګوندونو مشرانو دغه پيښه په کلکه غندلې او وئيلي ئې دي ،د خداي په کور جومات کې د لمونځو ګوزارو  په نښه کول هیڅکله هم د   انسانانو کار نشي کیدلی او دغه وحشي ډوله  جنایتکار باید خپل انجام ته ورسیږي .

داپه داسې حال کې دي چې د پاکستان د اهل سنت کابو اتلسو  ګوندونو اوډلو ټپلو په یوې ګډې اعلامیې کې دغه  وحشي ډوله جنایت په کلکه غندلی او وئيلی ئې دي ، په د غه جومات  برید پر ټول انسانیّت برید دی او باید مسلمانان ددغه شان وحشي ډوله جنایتکارو له وجوده  مځکه پاکه کړي او  پخپلو لیکو کې دغه شان ورانکارو او د اسلامی امت دښمنانو ته ځاي ورنکړي  او د دوي په ضد باید په یو موټي او وحدت سره  ګډه مبارزه وشي .

ایرناخبری اژانس هم راپور ورکړی ،د اسلامی ملګرتیا موسیسې  عمومی منشي حسین ابراهیم طه هم  دپاکستان د پيښور دغمیزې په سختو ټکو غندنې سره  د پاکستان له خارجه وزیر شاه محمود قریشي سره په ټيلیفون تماس کې  وئيلي دي ، ترهه ګري یو مشترکه چیلنج دی  چې   د نابودۍ لپاره ئې  باید  اسلامی امت او نړیواله  ټولنه  له یوه بل سره  مشارکت وکړي .

وروستی راپورونه ښئ چې  د پیښور د کوچه رسالدار سیمې دامامیه جومات د دغې غمیزې  دشهیدانو ځيني جنازې بیګا تر شپې پورې خاورو ته سپارل شوي او ځیني نور هم  خپلو ځاي  سیمو ته وړل شوي  دي .

دا هم وئیل شوي دي چې ممکنه ده   دشهیدانو شمیر نور هم زیات شي .  

 

ټیګونه