May 22, 2022 06:27 Asia/Kabul
  • د پاکستان خارجه وزیر چین ته  لاړ

له دغه سفر سره په یووخت د پاکستان لومړی وزیر شهباز شریف په یوه پیغام کې له چین سره دوه اړخیزه اړیکي پیاوړی او په ټولو شرایطو کې ازمویل شوي بللی او زیاته کړی یې ده چی د اسلام اباد او پیکنګ ستراتیجیکو اړیکو او مشارکت په ټولو شرایطو کې خپله ازموینه ورکړی اود سیمې په ثبات اوله هغه وراخوا عامل په توګه ظاهرې شوی دي .

 

د پاکستان خارجه وزارت د یوې بیانیې په صادرولو سره ویلی دی چی بلاول بوټو زرداری به چین ته په سفر کې له خپل چیني همڅنګ سره پراخې سلاو مشورې وکړي .

له دغه سفر سره په یووخت د پاکستان لومړی وزیر شهباز شریف په یوه پیغام کې له چین سره دوه اړخیزه اړیکي پیاوړی او په ټولو شرایطو کې ازمویل شوي بللی او زیاته کړی یې ده چی د اسلام اباد او پیکنګ ستراتیجیکو اړیکو او مشارکت په ټولو شرایطو کې خپله ازموینه ورکړی اود سیمې په ثبات اوله هغه وراخوا عامل په توګه ظاهرې شوی دي .

 له دي مخکي د پاکستان د نوي حکومت د بهرنيو چارو وزیر بلاول بوټو له امریکايي چارواکو غوښتيوو چې د افغانستان د مسایلو په اړه يې هېواد سره د نوي تعامل فکر وکړي.

نوموړي له اسوشيتد پريس خبري اژانس سره په تازه مرکه کې دا هم وويل، چې دواړه هېوادونه بايد د افغانستان د مسایلو په اړه ناندرۍ هېرې کړي.

نوموړي له خپل امریکايي سیال انتوني بلینکن سره خپله لومړنۍ لیدنه ستایلې او هیله بښونکې ګڼلې ده.

د پاکستان د نوي حکومت د بهرنيو چارو وزير پرته له دې، چې ملامت لوری په ډاګه کړي، ويلي چې د دواړو هېوادونو اړيکې د پاکستان د مخکيني صدراعظم عمران خان د حکومت پر مهال د افغانستان د مسايلو په سر ترينګلې شوې او واشنګټن پر اسلام اباد ملاحظې لرلې، خو دوی د دغو اړيکو بيرته رغول غواړي.

پاکستاني وزير دا هم ويلي، چې نړۍ دې د طالبانو د حکومت په اړه له خپلو نظرونو ور اخوا د افغانستان خلک له پامه نه غورځوي او بشري مرستې دې ورسره وکړي.

پاکستاني وزير له امریکا سره د افغانستان په اړه د خپلې نوې وړانديز شوې يا کيدونکې معاملې جزییات نه دي په ډاګه کړي.

پر پاکستان او امريکا دواړو د يو شمېر افغان منتقدینو تور دی، چې د افغانستان په جمهوري نظام یې د خپلو لویو ګټو لپاره مرموزه معامله کړې او دغه هېواد یې طالبانو ته سپارلی.

 

ټیګونه