Jun 30, 2022 13:44 Asia/Kabul
  • له ایران سره د اړیکوپر اهمیّت د پاکستان د دفاع وزیر ټينګار

د پاکستان دفاع وزیر په دغه  هیواد کې د ایران د اسلامی جمهوریت له سفیر سره په کتنې کې  له تهران سره امنیتی  او پوځي اړیکې  داسلام اباد لپاره ډيرې مهمې وبللې .

 د پاکستان دفاع  وزیر خواجه محمد آصف په اسلام اباد کې د ایران له سفیر محمد علی حسیني سره په کتنې کې  د ایران له اسلامی جمهوریت سره د دوو اړخیزو  ملګرتیاؤ  مخ په وده بهیر  او په پوځي او امنیتی حوزو کې د ګډې ډيپلوماسۍ په اهمیّت باندې په ډاډ  څرګندولو سره ، تهران ته د رسمي سفر  او د ایران له چارواکو سره دلیدوکاتو لپاره چمتووالی اعلان کړ . 

 دواړو لورو ، د ایران دسرحدي  او دپاکستان د سمندري امنیت د ادارې ترمینځ  دملګرتیا دتفاهم لیک د یاددښت په لاسلیک کیدا کې پر چټکتیا په ټينګار سره ، د پوځي او امنیتی ملګرتیاؤ د لازیاتې پراختیا غوښته وکړه .

 په اسلام اباد کې د ایران سفیر او دپاکستان دفاع وزیر  همداراز د قاچاق دمخنیوي په موخې سره  د ایران او پاکستان په ګډو پولو کې  دتجارت د قانوني کیداباندې ټينګار وکړ .

  له ایران سره د پوځي اوامنیتی ملګرتیاؤ د پراختیا د اهمیّت په باب  دپاکستان ددفاع وزیر څرګندونې په هغه ملاحظاتي چوکاټ کې دي ، چې  د پاکستان مسلم لیګ ن واکمن ګوند ئې په مختلفو اړخونو کې  د دوواړخیزو اړیکو د پراختیا لپاره لري .

 د ترهه ګرۍ او نشه ایزو موادو  پشمول په ډول ډول برخو کې  له مختلفو اوډول ډول  ګواښونو اوچیلنجونو  سره  دپاکستان مخامخیدا ، سبب شوې څو دغه یهواد  له یو لړ داسې خطرو سره مخ شي چې  پر ملی  حاکمیّت او امنیت باندې ئې ډيرې زیاتې منفي اغیزې لري .

 پاکستان ته له افغانستانه   دنشه ایزو توکو پراخ قاچاق  او د دواړو هیوادونو په داخل کې دترهه ګرو له خنډ پرته  تګ راتګ ، په پاکستان کې  تر ټولو لوي امنیتی چیلنج اومشکل  دی چې لامل شوی ، څو  له کابل سره د ا سلام اباد اړیکې  کله نه کله  له تاؤتریخوالو سره مخ شي .

البته باید پام ولرل شي ، چې   له افغانستان سره د ګاونډيتوب له امله د پاکستان  مشکلات او چیلنجونه ،د ایران لپاره هم ورته مشکلات رامینځةکړي دي  چې  په ګډو پولو کې ناکراري  او پاکستان او ایران ته له افغانستانه د  نشه ایزو موادو د قاچاق  او ټرانزیټ لپاره  دمنظمو ډلو ټپلو اوچینلونو  هڅه او په ګډو پولو کې ناامني  سبب شوي څو  له ګډو ګواښونو سره دمقابلې لپاره  د دوو او درو اړخیزو ملګرتیاؤ ضرورت ډير اهمیّت پیدا کړي .

د پاکستان ددفاع وزیر څرګندونې هم له ایران سره پر پوځي او امنیتی ملګرتیاؤ د دغه هیواد د ټینګار په باب،له هغو ګډو ګواښونو په ملاحظې سره دي،چې دواړه هیوادونه، په دې زمینې کې لازیات تعامل ته کاږي .

 البته په وروستیو کلونو کې،د ایران،پاکستان او افغانستان ترمینځ پر د رو اړخیزو ناستو سربیره،  ایران او پاکستان   ته د نشه ایزو موادو دقاچاق  او د افراطي ډلو د واریدیدو د مخنیوي په موخې د پولو په  لازیات کنټرولولو کې  په ګډه دکار کولو لپاره  د دواړو هیوادونو ترمینځ هم  دوه اړخیزې ناستې ترسره شوي دي ، هماغه شان چې تمه ئې  دغه شان  موخې ئې پوره کړائ شوي نه دي .

د پولو الیکټرانيکي مخنیوي ، ددیوال غزولو،، له ګاونډیو هیوادونو سره ددغه هیواد پوله ساتي ځواکونو ترمینځ دملګرتیاپشمول  دګډو سرحدي پلانونو ترسره کولو ته د پاکستان  دحکومت کم توجه ،  هغه دلیلونه ده  چې سبب شوي څو ترهه ګري او نشه ایز توکي ، د پاکستان لپاره په یوه تل پاتې امنیتي  چیلنج بدل شي .

په دغه شان شرائطو کې  له ایران سره د ګډو پولو په دقیق ډول نه  کنټرولولو له  امله آثارو او اړخونو،په ختیځي سیمو کې دسرحدي ښارونو لپاره  هم ځيني  داسې خطرې رامینځةکړي دي،چې د تجارتي او اقتصادي برخو پشمول  په نورو اړخونو  پر دوو اړخیزو اړیکو  اغیزې شیندلی شي . 

 داسې ښکاري،که پاکستان  له ایران سره دپوځي اوامنیتی ملګرتیا لپاره کلک هوډ لري ، نو باید  له سیمې د ورآخوا لوبغاړو ملاحظاتو ته له پامه پرته او پر خپلو ملي  اړتیاؤ په تمرکز سره ، د ګډو پروژو په لاره کې په تیره بیا  د پولو دامنیت دتامینولو په حوزې کې  ګام پورته کړي څولږترلږه  ددغو پروژو په اجرا سره ، د ایران او پاکستان پر امنیت د د دوو ګډو ګواښونو په توګه  ترهه ګري او نشه ایز توکي  کم شي .

 

ټیګونه