Jan 20, 2020 15:43 Asia/Kabul
  • پاکستان د ډزبندۍ د خلاف ورزۍ په وجه هندوستان ته خبرداری ورکړ

د پاکستان وزیراعظم نوې ډیلي ته خبرداری ورکړ چې په کشمیر کنټرول لاین باندې د حملې د دوام په بڼه کښې به د اسلام آباد له سخت ځواب سره مخامخ شي.

تسنیم خبري آژانس لیکلې دي چې عمران خان وویل: که هند د کشمیر د خلکو قتل عام جاري ساتل غواړي نو د دې کار ځواب ته دې تیار شي.

د پاکستان وزیراعظم په دې خبرې سره چې کشمیر د دغه هیواد سره کرښه ده، زیاته کړه: د ملګرو ملتو امنیت شورا دې هم هندوستان د تیرو موافقو خیال ساتلو ته اړ کړي څو د هر ډول جنګ مخنیوی وشي.

هغه څرګنده کړه، د نوې ډیلي حکومت هڅه کړې چې یوه جعلي ترهګره حمله برابره کړي او بیا یې پاکستان مسئول معرفي کړي.

د عمران خان دا خبرې په داسې حال کښې دي چې د کشمیر خلک له تیرو ۱۶۸ ورځو راهیسې په خپلو کورونو کښې ګیر کړی شوې دي او له ډیرو ستونزو سره لاس او ګریوان دي.

 

ټیګونه

کمنټونه