Mar 21, 2020 14:09 Asia/Kabul
  • د امام خميني (رح) پوره ديوان په پښتو ژبه په منظومه بڼه خپور شو

د اسلامي انقلاب د ارواښاد ستر رهبر حضرت امام خميني (رح) په عرفاني شاعرۍ مشتمل پوره ديوان چې د پښتو د نامتو شاعر،ليکوال، مترجم، محقق او جرنلسټ انور شاهين خانخېل په قلم په منظومه بڼه ترجمه شوے دے، د پېښور اهلبيت پښتو اکېډيمۍ لخوا خپور شو .

دغه کتاب چې «د امام ديوان» نوميږي، د اسلامي انقلاب د ارواښاد ستر رهبر حضرت امام خميني (رح) د عرفاني ديوان پښتو منظومه ترجمه ده. کتاب د مترجم سريزه، د امام مختصر ژوند ليک، غزلونه، څلوريزې، قصيدې، نظمونه، ترجيع بند، غزل ډوله شعرونه، قطعې او خوارۀ وارۀ شعرونه برخو باندې مشتمل دے،د کتاب ټول 368 مخونه دي.

Image Caption

 

د يادونې ده چې انور شاهين خانخېل چې له دېرشو د زياتو کتابونو ليکوال او مترجم دے د امام د ديوان ترڅنګه  د خداے د ګران رسول حضرت محمد مصطفی صلی الله عليه و آله وسلم د پاکو اهلبيتو عليهم السلام د مکتب په عقائدو مشتمل د اسلامي نړۍ د مشهور مجتهد، مفسر او د تقليد مرجع آيت الله العظمی ناصر مکارم شيرازي کتاب هم ترجمه کړے دے چې «د سپېځلو لار» نوميږي او دا هم د پېښور اهلبيت پښتو اکېډيمۍ لخوا خپور شو.دغه کتاب د مترجم لخوا د رحمان بابا، خوشحال بابا او حمزه بابا په شان مشهورو شاعرانو په زړۀ پورې شعرونو سره ښکلے کړے شوے دے، کتاب د مترجم  له سريزې او د ليکوال له مختصرې مقدمې نه علاوه په شپږو بابونو او اتياو عنوانونو مشتمل دے، د کتاب ټول 212 مخونه دي.

دغه دوه کتابونه  في الحال په لاندې پتو رابطه کولو سره ملاوېدې شي

اهلبيت پښتو اکېډيمي پوسټ بکس نمبر 346  پېښور خېبرپښتونخوا

ايميل: [email protected]  وټس ايپ شمېره: 00923051997679

 

ټیګونه

کمنټونه