Jan 26, 2022 12:01 Asia/Kabul
  • د ایران پرضد د امریکا دوه ګوڼه سیاستونه دوام لري

زمونږ خبریال وايي د امریکا د بهرنیو چارو د وزارت ویاند نیډ پرایس په اټومي تړون کښې په خپلو ژمنو باندې عمل کولو کښې د واشنګټن ناتوانۍ ته له اشارې کولو پرته له ایران سره د نیغ په نیغه د خبرو اترو لپاره د خپل هیواد د چمتووالي موضوع تکرار کړه .

نیډ پرایس ادعا وکړه د خبرو اترو له پیل راهسې له خپلو  متحدانو او شرکاو سره یوځاې له ایران سره نیغ په نیغه خبرو اترو ته چمتو یوو او باوري یوو د  اټومي تړون او د نورو مسائیلو په هکله له ایران سره نیغ په نیغه تعامل به ګټور وي .

د امریکا د خارجه وزارت ویاند نیډ پرایس د اټومي تړون د خلاف ورزۍ په هکله د واشنګټن ژمنو ته له اشارې پرته وویل نیغ په نیغه خبرې لا کارنده ارتباط ممکن کوي او دا دقیقا هغه شی دی چې په دغه وخت کښې ورته اړتیا لرو .

په عین حال کښې د اسلامي ایران ولسمشر ابراهیم رئیسي بیګا د نیغ په نیغه خبرو اترو لپاره د امریکا بیا بیا غوښتنو ته په اشارې سره وویل تراوسه مو له امریکا سره خبرې نه دي کړي او که چیرې لوري هیوادونه د ایران د ملت پرضد د ظالمانه بایکاټونو ختمولو ته چمتو وي نو د موافقې امکان شته .

د امریکا د خارجه وزارت ویاند نیډ پرایس دغه راز د  واشنګټن د مرکچي ټیم د ځینو غړیو د  جلا کیدا په هکله وویل« ریچارډ نفیو »تراوسه د خارجه وزارت غړی دی او د یوه (۱) حکومت د یوه (۱) کال  له تیریدا وروسته د کارکونکو ځاې پرځای کول یوه (۱)عادي چاره ده .

نیډ پرایس دغه راز وویل حقیقت دا دی چې د امریکا پخواني حکومت زمونږ لپاره بدې لارې پریښودلي دي او د ایران پرضد د زیات دباو سیاست  کاملا ماتي خوړلي ده .

 

ټیګونه