Jul 02, 2022 13:09 Asia/Kabul
  • د میکسیکو ښاروال له سمساري سره واده وکړ

زمونږ خبریال وايي د امریکا په ګاونډي هیواد میکسیکو کښې د یوه کوچني کلي ښاروال له یوې ښځینه سمسارې سره واده کړی دی.

خو دا له لرغوني دود سره سم یو تشریفاتي واده دی چې هدف یې د پیسو ، عزت او د مقام لوړول او زیاتول دي.

د واده دغه تشریفاتي دستورې ډیرې په زړه پورې وې چې خلکو پکښې ګډون وکړ او موسیقۍ هم وغږول شوه.

خلکو په دغه واده کښې ناڅا کوله  او د میکسیکو دغه ښاروال دغه سمساری چې په انګریزۍ ژبه کښې ورته کروکوډایل(Crocodile) او په اردو ژبه کښې ورته مګرمچهه وايي ښکل کړ.

د میکسیکو د کوچني کلي «سان پیټرو هومي لیولا» ښاروال «ویکټر هیوګو سوسا» په تیرې سه شنبې ورځ له سمساري سره واده وکړ او کله چې هغه د سمساری ښکلوه نو خوله یې تړل شوي وه.

د اسپانیا هیواد له دود او رواج سره سم له تیرو سلګونو کلونو راهسې له سمساریو سره د وادونو دود او رواج شته ځکه چې د دغه واده هدف له فطرت څخه د نعمت ترلاسه کول دي.

د دغه ډول واده په وجه په اصلي واده هیڅ اغیز نه پریوځي ځکه چې مقصد یې د پیسو او د عزت زیاتول دي.

د میکسیو دغه ښاروال وویل د دغه تشریفاتي واده وروسته مونږ له قدرت او فطرت څخه د بارانونو ، د زیاتو فصلونو او په سمندرونو کښې د کبانو د شمیر زیاتیدل غواړو.

 

ټیګونه