Oct 17, 2019 05:47 Asia/Kabul
  • د امریکا  د ولسمشر ډونالډ ټرمپ حکومت په سیمه کښې د کړکیچونو د رامینځته کولو اصلي عامل دی .
    د امریکا د ولسمشر ډونالډ ټرمپ حکومت په سیمه کښې د کړکیچونو د رامینځته کولو اصلي عامل دی .

تسنیم خبری اژانس وایی د امریکا په بهرنیو چارو وزارت کښې د ایران د اقدام د ځانګړی ډلې مسول برایان هوک ( Brian Hook) وویل د واشنګټن حکومت د ایران پرضد د زیات دباو په دوام ټینګار لری .

هغه پرون دامریکا د مشرانو جرګې سنا (Senate) د بهرنیو اړیکو د کمیټۍ په غونډې کښې اعتراف وکړ د واشنګټن حکومت باوری دی چې د هغه څه له لارې چې هغه ډیپلوماسۍ وبلله اقتصادی بایکاټ او د زیات دباو راوستل باید د ایران په هکله خپلو هدفونو ته ورسیږی .

د امریکا په خارجه وزارت کښې د ایران د اقدام د ځانګړی ډلې مسول برایان هوک دغه راز له ایران  سره یوې(۱) پراخ بنسټه موافقې ته په رسیدا د ټینګار په ترڅ کښې وویل په دغه موافقې کښې باید څلور (۴) اصلی چورلیزونه  یعنی په سیمه کښې دایران اقدامات ، د ایران اټومی پروګرام ، د ایران توغندوی پروګرام او په ایران کښې دامریکا د بندیانو موضوع شامله وی .

د امریکا دغه چارواکی د خپلو بې اساسه ادعاګانو په دوام کښې وویل هغه وخت چې امریکا په اټومی موافقې کښې شتون درلود  ایران د لبنان له حزب الله غورځنګ سره خپلې توغندوی ملګرتیاوې زیاتې کړې او دسیمې په کړکیچونو کښې یې لاس درلود .

د امریکا  د ولسمشر ډونالډ ټرمپ حکومت په سیمه کښې د کړکیچونو د رامینځته کولو د اصلی عامل په توګه په داسې حال کښې له ایران سره  د خبرواترو او  پراخ بنسټه موافقې ته د رسیدا خبره کوی چې واشنګټن په ۲۰۱۸ میلادی کال کښې په غیر قانونی ډول له اټومی تړون څخه  چې څو کاله د هغه لپاره خبرې شوی وې ووتله او د ایران پرضد یې له سره بایکاټونه اعلان کړل .

امریکا د ایران د خلکو پرضد د ترټولو سختو بایکاټونو له لګولو سره سره تراوسه نه ده توانیدلی د ایران په تسلیمولو کښې خپلو هدفونو ته ورسیږی .

 

ټیګونه

کمنټونه