Oct 23, 2019 07:48 Asia/Kabul
  • د کشمیر په هکله به د ملایشیا سیاست دوام ولري

د ملایشیا وزیراعظم وویل: د هندي سوداګرو له خوا د پالم غوړو د اخیستو بایکاټیدل، د کشمیر په وړاندې د نوي ډیلي په اقداماتو باندې زمونږ په انتقادي دریځ کښې هیڅ بدلون نه شي راوستی.

د رویټرز خبري آژانس د خبر له مخې ماهاتیر محمد پرون د ملایشیا په پارلیمان کښې د کشمیر په وړاندې د دغه هیواد د دریځ په نه بدلیدو باندې په ټینګار سره خبریالانو ته وویل: ټولو ته پکار دي چې د ملګرو ملتو د ټولو پریکړه لیکونو احترام وکړي او پیروي یې وکړي او که داسې نه وي نو بیا د ملګرو ملتو کارنده والی او استفاده څه ده؟

د ویلو ده چې د ملګرو ملتو په عمومي اسمبلۍ کښې د ماهاتیر محمد له هغو وروستیو څرګندونو وروسته چې ویلې یې وو، هندوستان په کشمیر حمله کړې او هغه یې نیولی دی، د هند د نباتي تیلو د تجارت ادارې وړمه ورځ (د اکتوبر په ۲۱) د دغه سازمان له غړو وغوښتل چې له ملایشیا څخه د پالم غوړو اخیستل بند کړي.

 

ټیګونه

کمنټونه