Jan 02, 2020 04:46 Asia/Kabul
  • په امریکا هیڅ ډول اعتماد نشی کیدلی

فارس خبری اژانس وایی په ویانا کښې دیره په نړیوالو موسسو کښې د روسیې دائمی استازی میخائیل اولیانف پرون ډاګینه کړه د اټومی تړون تجربې شمالی کوریا ته ورښودلی ده چې له امریکا سره موافقه د اعتماد وړ نه ده .

هغه د اټومی تړون برخلیک او له دغه موافقې د امریکا وتلو ته په اشارې سره وویل د ایران د اټومی موافقې په هکله د امریکا سیاست په واشنګټن باندې د شمالی کوریا د بې اعتمادۍ سبب شوی دی .

ډیرې هیوادونه باوری دی چې په اټومی تړون کښې د امریکا کړچار د اټومی مسائیلو په هکله د شمالی کوریا او د امریکا ترمینځ د موافقې د امکان په شمول په نړیوال ډګر کښې په واشنګټن د باور کولو قابلیت تر پوښتنې لاندې وروستلی دی .

د شمالی کوریا مشر کیم جونګ اون پرون وویل داسې هیڅ دلیل نشته چې هیواد یې د توغندیو د ازمویلو په هکله اعمال شوی وقفې یعنی ځنډ ته دوام ورکړی .

هغه وویل که چیرې امریکا د شمالی کوریا پرضد خپل غلیمانه سیاست ته دوام ورکړی په کوریا ټاپووزمې کښې به هیڅکله اټومی بې وسلې کیدا ترسره نشی .

 

ټیګونه

کمنټونه