Mar 22, 2020 16:33 Asia/Kabul
  • د اروپا ښاریزو د ډاکټرانو ستاینه وکړه

زمونږ خبریال وايي د اروپايي هیوادونو ښاریزو د خپلو کورونو په بالکونیو کښې په دریدا سره چک چکې ووهلې او له کورونا وایروس څخه د اغیزمنو شویو خلکو د طبي درملنې په خاطر یې د ډاکټرانو او د نرسانو ستاینه وکړه .

د چین له ووهان ښار څخه خپرې شوي کورونا ناروغۍ اوس د نړۍ څه دپاسه یوسل پینځه اتیا (۱۸۵) هیوادونو ته خپره شوي ده او ټوله دنیا یې له تشویش سره مخ کړي ده .

له چین وروسته ایټالیا او فرانسه له ټولو هیوادونو څخه زیات له کورونا وایروس څخه اغیزمن شوي دي او په دغه ناروغۍ د کنټرول لپاره چیرې چې د اروپايي هیوادونو ښاریز په ویرې کښې ورغلي دي هلته د همت د زیاتولو کوششونه هم لیدل کیږي .

د همت لرونکو  ډاکټرانو او نرسانو د حوصلې د زیاتولو او د هغوې د ستاینې لپاره د فرانسې او د ایټالیا په شمول د اروپیايي هیوادونو ښاریزو د خپلو کورونو په بالکونیو کښې په دریدا سره چک چکې ووهلې او سندرې یې وویلې .

 

 

 

 

 

 

ټیګونه

کمنټونه