Nov 29, 2020 05:56 Asia/Kabul
  • هر ډول ترهګر اقدام او غیرقانوني وژله غندو

د ملګرو ملتو ویاند بیګا د ایران د ایټمي او دفاعي پوهاند شهید محسن فخري زاده ټرور وغنده

سټیفن ډوجاریک Stephane Dujarric د شهید محسن فخري زاده د وژلې په غبرګون کښې وویل: ملګري ملتونه هر ډول ټرور او غیرقانوني قتل غندي.

د ملګرو ملتو ځانګړې رپورټرې اګنس کالامارډ Agnès Callamard هم وړمه شپه د شهید محسن فخري زاده د وژل کیدو په غبرګون کښې په خپلو ټویټونو کښې ټینګار کړې و چې له پولو بهر هدفمنې وژلې د بشري حقوقو د نړیوالو قوانینو او د ملګرو ملتو د منشور خلاف ورزي ده.

یاده دې وي چې د ایران ایټمي او دفاعي پوه محسن فخري زاده د تیرې جمعې په مازیګر د تهران ولایت د دماوند ولسوالۍ په آبسرد سیمه کښې په یوې ترهګرې حملې کښې شهید شو چې دغه بزدلانه کار ډیر نړیوال غبرګونونه راپارولې دي.

 

ټیګونه