Jan 18, 2021 17:39 Asia/Kabul
  • جوبایډن د ټرمپ ځینې پرېکړې بیرته اخلي

د امریکا منتخب ولسمشر جوبايډن به د واک ترلاسه کولو وروسته د ټرمپ یو شمېر لانجمنې پرېکړې بیرته واخلي.

د امریکایي رسنیو د راپور سره سم، د جوبایډن د دفتر مشری ته نوماند ران کلين د جنورۍ پر ۱۶مه خپلو کارکوونکو ته په یو لیک کې ویلي چي بایډن به د صدراتي حکم په صادرولو سره د ټرامپ ځینې لانجمنې پریکړې وګرځوي.

ران کلین ویلي چې د جوبایډن په دې لومړیو ګامونو کې به د ځينې اسلامي هيوادونو منجمله د ایران پر وګړو امریکا ته د سفر بنديزونه لیري کړي.

نوموړی زیاته کړې چي بایډن به د ولسمشرۍ په اوله ورځ پاریس کلایمیټ تړون ته بیرته ور وګرځي.

 دا به د امریکا د تګلارو بدلولو په لړ کې د جوبایډن لخوا د یو شمیر صدارتي احکاماتو لومړی حکم وي.

په امریکا کې د ولسمشر احکامات د کانګرس لخوا قانوني منظورۍ او یا اجازت ته اړتیا نه لري.

ټاکل شوې ده چې منتخب ولسمشر جوبایډن د جنورۍ پر ۲۰مه د ولسمشرۍ لوړه وکړي.

 

ټیګونه