Prill 22, 2021 21:00 Europe/Tirane
  • Teherani: Marrëveshja e përkohshme nuk është në axhendën e bisedimeve të Vjenës

Zëdhënësi i Ministrisë së Jashtme të Iranit deklaroi se arritja e një marrëveshje të përkohshme për të ringjallur marrëveshjen bërthamore të Iranit me fuqitë botërore nuk ka qenë kurrë në axhendën e bisedimeve midis Teheranit dhe nënshkruesve të tjerë të marrëveshjes.

Said Khatibzadeh i bëri komentet në një seancë në internet të Enjten, kur u pyet në lidhje me temat kryesore të diskutuara gjatë negociatave të cilat u zhvilluan në kryeqytetin austriak, Vjenë. "Asnjëherë nuk ka pasur një diskutim mbi një marrëveshje të përkohshme, por ajo që është diskutuar është pajtueshmëria e plotë e Shteteve të Bashkuara me marrëveshjen bërthamore, metoda e përdorur për të verifikuar pajtueshmërinë e SHBA dhe pastaj tërheqjen e hapave të Iranit në kuadër të marrëveshjes bërthamore," tha ai. Khatibzadeh shtoi se ka ende shumë dallime në çështje të rëndësishme, duke përfshirë rendin e hapave që duhet të ndërmerren, heqjen e të gjitha sanksioneve dhe verifikimin e masave të marra, por "Unë mendoj se të gjitha palët në Vjenë kanë treguar vullnet të mirë të mjaftueshëm për të ecur përpara." Zëdhënësi i Ministrisë së Jashtme të Iranit pastaj shtoi se një shqetësim kryesor jo vetëm për Iranin, por edhe për nënshkruesit e tjerë të marrëveshjes bërthamore, është se si të sigurohemi që Shtetet e Bashkuara nuk do të shkelin asnjë premtim në të ardhmen. “Ky është një shqetësim jo vetëm për Iranin, por për të gjithë G 4 + 1, sepse kur SHBA u largua nga marrëveshja bërthamore, ajo jo vetëm që bëri presion mbi Iranin, por gjithashtu ushtroi presion mbi vendet evropiane për t'i dhënë fund pranisë së tyre në Iran. Prandaj, të gjitha palët tani po kërkojnë garanci "se kjo nuk do të ndodhë më, tha Khatibzadeh. Ai më tej vuri në dukje se "Irani nuk po ngutet në negociatat e Vjenës, por në të njëjtën kohë, nuk dëshiron të përfshihet në bisedime të tejgjatura".

 

Tags