Nëntor 25, 2021 19:51 Europe/Tirane
  • Mokhber: SCO është një model i suksesshëm i bashkëpunimit strategjik rajonal

Zv/presidenti i parë i Republikës Islamike të Iranit theksoi: Organizata e Bashkëpunimit të Shangait është një model i suksesshëm i bashkëpunimit strategjik rajonal.

Sipas IRNA, Mohammad Mokhber, zv/presidenti i parë i Iranit, sot (e enjte) në mbledhjen e njëzetë të Këshillit të Ministrave të Organizatës së Bashkëpunimit të Shangait shpjegoi politikat strategjike të Iranit për zhvillimin e bashkëpunimit rajonal. "Irani, si një anëtar i përgjegjshëm i rajonit dhe i komunitetit ndërkombëtar, ka shumë aftësi, duke përfshirë sigurinë e qëndrueshme, burime të pasura energjetike, avantazhin e kohezionit gjeografik dhe solidaritetit kombëtar dhe lidhjet e fuqishme historike dhe kulturore me vendet e rajonit dhe anëtarët e SCO që pengojnë rritjen e ideve ekstremiste në rajon," shtoi Mokhber në takimin e 20-të të Këshillit të Bashkëpunimit të Shangait.Sipas tij, potencialet e mëdha ekonomike dhe avantazhet krahasuese në secilin prej vendeve anëtare të organizatës tërheqin vëmendjen e bashkësisë ndërkombëtare dhe krijojnë mundësi unike për lidhje strategjike dhe ndërveprim më të madh ndërmjet anëtarëve. Zv/presidenti i parë i Republikës Islamike të Iranit deklaroi: Irani i jep përparësi të veçantë lehtësimit të transportit dhe linjave të tranzitit me qëllim të përmirësimit të lidhjeve midis Kinës, Azisë Jugore dhe Juglindore me Afganistanin, Azinë Qendrore, Kaukazin dhe Rusinë.

 

Tags