Sep 17, 2019 20:22 Europe/Tirane
  • Sulmet ndaj Aramco, Arabia Saudite i kërkon ndihmë Iranit?!

5.7 milion fuçi nafte më pak,  secila 60 dollarë për fuçi, një humbje ditore prej 342 milion dollarë.

Nëse Arabia Saudite nuk arrin t'i riparojë objektet e saj të naftës deri në muajin e ardhshëm, humbja do të jetë 10 miliardë dollarë gjatë një periudhe 10-mujore. Është urgjente t'i jepet fund luftës. Një informacion i fundit konfirmon ndërprerjen e eksportit të naftës së lehtë saudite në Azi, e cila tani është e detyruar të mjaftohet me naftë të rëndë saudite, rafinimi i së cilës kushton më shumë. Sulmi i dronëve të Ansarallah gjithashtu ndali rrjedhën e naftës saudite në Bahrejn, rreth 230,000 fuçi në ditë. Të hënën, agjensitë e lajmeve gjithashtu raportuan përpjekjet e Arabisë Saudite për të përmbushur kërkesën e klientëve të saj për karburant. Spax pretendon se departamenti tregtar i ARAMCO ka porositur një sasi të madhe të benzinës nga India dhe nga disa vende të Lindjes së Mesme për shpërndarje të shpejtë. E fundit, por jo më e rëndësishmja, raportohet se Riadi i kërkoi Iranit benzinë! Sipas deputetit iranian Abolfazl Hasan Bejgi, anëtar i Komitetit të Sigurisë Kombëtare, "Arabia Saudite i ka bërë thirrje Iranit të plotësojë boshllëkun e lënë nga pezullimi i rreth 25 milion fuçi nafte të prodhuar çdo ditë dhe që ndikon drejtpërdrejt në konsumin e saj të benzinës në shkallë vendi ". Nëse zyrtarët amerikanë e kanë akuzuar menjëherë Iranin se sulmoi objektet e kompanisë ARAMCO duke përsëritur kërcënimin e "një përgjigje ushtarake", Pentagoni ndihet i frikësuar. Sipas Washington Post, Pentagoni "nuk i vlerëson kërcënimet anti-iraniane të Trump ose fjalimin luftënxitës të Departamentit të Shtetit" dhe është i shqetësuar për pasojat e një përshkallëzimi të ri në Gjirin Persik. "Të hënën në mbledhjen e sigurisë të thirrur nga Trump, gjeneralët e Pentagonit u lutën për përmbajtje dhe paralajmëruan për pasojat e një lufte të kushtueshme për Iranin", shkruan gazeta e cila shton:" Pentagoni është i prirur drejt nj  relaksimi pasi një luftë me Iranin do të jetë e përgjakshme dhe e papërshtatshme në një kontekst ku Shtetet e Bashkuara dëshirojnë të tërheqin trupat e tyre nga rajoni ". Të Shtunën, sulmet e dronëve të Ansarallahut sulmuan objektet e kompanisë saudite të naftës Aramco në Buqayq dhe fushën e naftës Khurais. Këto sulme kanë anuluar rreth gjysmën e prodhimit të eksportuesit kryesor të naftës dhe kanë ngritur shqetësime në të gjithë botën.

 

Tags

Komente