Prill 10, 2022 08:05 Europe/Tirane
  • Në Kiev, Johnson premtoi ndihmë ushtarake dhe financiare për Ukrainën

Kryeministri i Mbretërisë së Bashkuar Boris Johnson të shtunën bëri një vizitë të paparalajmëruar në kryeqytetin ukrainas Kiev dhe u takua me presidentin Volodymyr Zelenskyy.

Sipas Reuters, kryeministri britanik Boris Johnson gjatë një takimi me Zelensky tha se Britania do të sigurojë 120 automjete të blinduara dhe sisteme raketore kundër anijeve, së bashku me më shumë mbështetje për kreditë e Ukrainës nga Banka Botërore.  Ai gjithashtu tha se Britania do të vazhdojë të shtrëngojë sanksionet kundër Rusisë dhe të heqë dorë nga përdorimi i hidrokarbureve ruse. Johnson gjithashtu premtoi 500 milionë dollarë të tjera ndihmë financiare për Ukrainën përmes Bankës Botërore. Zelensky nga ana e tij tha se ishte mirënjohës për vizitën e kryeministrit, duke e quajtur atë një vizitë të rëndësishme në "një kohë shumë të vështirë dhe të trazuar për vendin e tij".  Gjithashtu dje, kancelari austriak Karl Nehammer u takua me Presidentin e Ukrainës në Kiev dhe vizitoi qytetin Bucha në periferi të Kievit. Të premten, Ursula von der Leyen, Presidente e Komisionit Evropian dhe Josep Borrell, Komisioneri i BE-së për Punët e Jashtme, u takuan me Zelensky në kryeqytetin ukrainas.  Britania, së bashku me Shtetet e Bashkuara dhe aleatët e saj, në javët e fundit përveç vendosjes së sanksioneve ndaj Rusisë kanë dërguar shumë dërgesa me armatime në Ukrainë.

Tags