Prill 12, 2022 15:27 Europe/Tirane
  • Rritja e inflacionit në Gjermani theu rekordin 41-vjeçar

Inflacioni në Gjermani është rritur me më shumë se 7% që konsiderohet niveli më i lartë i inflacionit në 41 vitet e fundit në këtë vend.

Rusia më 24 shkurt të këtij viti filloi operacionet speciale kundër Ukrainës pasi Kievi këmbënguli për anëtarësimin në Aleancën e Atlantikut të Veriut (NATO), dhe konflikti në këtë vend po vazhdon akoma.

Shtetet e Bashkuara të Amerikës dhe shtetet e tjera perëndimore kanë vendosur sanksione të gjera ekonomike ndaj Moskës në reagim të operacioneve ushtarake të Rusisë në Ukrainë.

Sanksionet perëndimore kundër Rusisë erdhën pasi Perëndimi kishte frikë se përshkallëzimi i sanksioneve ruse në sektorët ekonomikë, veçanërisht në sektorin e naftës dhe gazit, do të destabilizojë më tej kushtet ekonomike evropiane dhe tregjet globale të energjisë.

Në raportin e saj të fundit, Byroja Federale e Statistikave në Gjermani raportoi inflacionin në 7.3 për qind muajin e kaluar.
Norma më e lartë se kjo e inflacionit në Gjermani ishte më parë në vitin 1981, përpara bashkimit të dy Gjermanive për shkak të Luftës së Gjirit Persik dhe rritjes së çmimeve të naftës.
Transportuesit e energjisë dhe ushqimit janë prekur më së shumti nga inflacioni. Konsumi i gazoilit për ngrohje është rritur me 144 për qind, karburanti i makinave me 47,4 për qind dhe gazi me 41,8 për qind.
Më herët, ekonomistët kishin parashikuar inflacion prej 7.3 për qind, i cili është arritur me publikimin e një raporti të Entit Federal të Statistikave.
Për të gjithë vitin, ekonomistët parashikojnë gjithashtu një mesatare prej 6% më të larta të çmimeve të mallrave në ekonominë më të madhe të Evropës.

Gjermania, një nga qendrat industriale të Evropës, është një importues kryesor i gazit natyror rus dhe vitin e kaluar 34 për qind e konsumit të saj të karburantit erdhi nga Rusia. Berlini gjithashtu blen sasi të konsiderueshme të naftës nga Rusia.

Tags