Korrik 07, 2020 20:57 Europe/Tirane
  • Kalamar: Vrasja e Gjeneral Kasem Soleimanit, shkelje e Kartës së OKB

Raportuesja Speciale OKB për ekzekutimet e paligjshme, Anis Kalamar, shkroi në një raport të hënën se sulmi amerikan me dron dhe vrasja e Gjeneral Kasem Soleimani dhe Abu Mahdi al-Mohandes dhe një numri të bashkëpunëtorëve të tyre në 3 janar, ishin në kundërshtim me ligjin ndërkombëtar.

Raporti i znj.Kalamar e cilësoi sulmin e dronëve të SHBA si një shkelje të Kartës së OKB dhe në mënyrë implicite dënoi komunitetin ndërkombëtar dhe Këshillin e Sigurisë të OKB, i cili ka shmangur përgjegjësinë për ndjekjen dhe dënimin e këtij atentati. Ajo shtoi: "Këshilli i Sigurimit nuk po vepron në rolin e tij, dhe bashkësia ndërkombëtare është e heshtur për këtë shkelje flagrante të ligjeve ndërkombëtare". Anis Kalamar e quajti sulmin amerikan një shkelje të ligjit ndërkombëtar dhe shtoi se sulmi terrorist ishte urdhëruar nga zyrtarë të lartë dhe u zbatua nga ushtria amerikane. Ajo përmendi një dispozitë ligjore duke thënë se Shtetet e Bashkuara nuk mund të largoheshin prej saj dhe nuk mund të siguronin ndonjë bazë të mjaftueshme ligjore për të justifikuar sulmin ndaj kolonës së Gjeneral Soleimanit pranë aeroportit të Bagdadit.

 

Tags

Komente