Korrik 11, 2020 21:22 Europe/Tirane
  • Erdogan injoron Perëndimin, tregon datën se kur do të hapet Aja Sofia për lutje

Në një fjalim të transmetuar drejtpërdrejtë, pak orë pasi u dha një dekret presidencial për kthimin e portretit të Stambollit, Aja Sofia, nga një muze në një xhami, presidenti Recep Tajip Erdogan tha që ajo do të hapet për lutje më 24 korrik.

“Sikurse dyert e të gjitha xhamive të tjera, dyert e Aja Sofia do të jenë të hapura për të gjithë, përfshirë qytetarët turq dhe turistët. Ne po planifikojmë të hapim Xhaminë Aja Sophia për adhurim më 24 korrik. Aja Sofia është nën juridiksionin turk. Çdo kundërshtim ndaj vendimit të gjyqësorit tonë do të perceptohet si një shkelje e sovranitetit tonë”, ka thënë Erdogan, shkruan Daily Sabah. Ndryshe, Gjykata e lartë administrative e Turqisë të premten anuloi dekretin e qeverisë së vitit 1934 që e ktheu Aja Sofia-n në një muze. Kështu, vendimi i hapi rrugën ikonës së Stambollit, Aja Sofia të përdoret si xhami. Pas vendimit të gjykatës, Erdogan nënshkroi një dekret presidencial për t’ia dorëzuar Aja Sofia-n Presidencës së Çështjeve Fetare të Turqisë dhe për ta hapur për adhurim ndërsa përgëzoi popullin turk. Ndërkohë, SHBA, BE, UNESCO dhe shumë shtete të tjera e kanë quajtur vendimin e presidentit turk të padrejtë dhe duke e quajtur një  provokim të hapur për gjithë botën. Kisha Ortodokse Ruse shprehu hidhërim ndaj vendimit të Turqisë për revokimin e statusit të muzeut  të Aja Sofia, duke e akuzuar atë për injorimin e zërave të miliona të krishterëve. Greqia e ka quajtur këtë veprim të Turqisë një “provokim të hapur për botën e qytetëruar”.

 

Tags

Komente