دی ۲۶, ۱۳۹۸ ۱۱:۳۴ Asia/Dushanbe
  • مذاکرات مقامات امنیتی تاجیکستان و افغانستان در «دوشنبه»

سرپرست کمیته امنیت ملی افغانستان در سفر 2 روزه به «دوشنبه» با رئیس کمیته امنیت ملی تاجیکستان دیدار و گفت‌وگو کرد.

 «احمد ضیا سراج» سرپرست کمیته امنیت ملی افغانستان در سفر 2 روزه به تاجیکستان با «سیدمومن یتیم اف» رئیس کمیته دولتی امنیت ملی این کشور ملاقات کرد.

به گزارش رادیو برون مرزی صدای خراسان به نقل از فارس ،در این دیدار مسائل مربوط به گسترش همکاری دوجانبه در زمینه تامین امنیت در منطقه، صلح و ثبات در افغانستان و سایر مسائل مهم بررسی شد.

مسائل مربوط به مبارزه مشترک با تروریسم، محافظت از مرز دولتی، جلوگیری از قاچاق مواد مخدر از دیگر موضوعاتی بود که طرفین در خصوص آن بحث و تبادل نظر کردند.

طرفین ابراز نگرانی کردند که قلمرو افغانستان با دخالت نیروهای مخرب بین المللی به میدان جنگ تبدیل شده که این وضعیت باعث تهدید و خطر برای کشورهای همسایه نیز می‌باشد.

مقامات امنیتی دو کشور با توجه به تهدید مستقیم سازمان‌های تروریستی بین المللی، از جمله «القاعده»، «داعش»، «انصار الله» و «حرکت اسلامی ترکستان شرقی» بر همکاریهای دوجانبه تاکید کردند.

 

کلیدواژه

کامنت