Июн 06, 2020 20:02 Asia/Dushanbe
  • Чаҳор ҳазор бекор ва миллионҳо доллар хисорати таътилии бахши гардишгарии Тоҷикистон

Таътилии бахши гардишгарии Тоҷикистон дар паи густариши коронавирус муҷиби бекор шудани чаҳор ҳазор нафар ва хисоратҳои сангини молӣ ба иқтисоди ин кишвар шудааст.

Ба гузориши радиои тоҷикии Садои Хуросон ба нақл аз сомонаи Тоҷикистон Таймз, акнун ба далели густариши коронавирус беш аз чаҳор ҳазор корманди 180 ширкати Хадамоти гардишгарии Тоҷикистон бекор шудаанд ва мушаххас нест, ки фаолияти ин марокиз чи замоне аз сар гирифта мешавад.

Ба гуфтаи мақомоти Кумитаи давлатии рушди гардишгарии Тоҷикистон дар соли  2019 беш аз 600 ҳазор гардишгари хориҷӣ ба ин кишвар сафар карда буданд, ки агар ҳар як аз онон дар муддати ҳузури хеш дар Тоҷикистон 100 доллар ҳазина карда бошанд маблағи 60 миллион доллар ба будҷети ҳукумат ворид шудааст.

Ҳатто дар айёми Наврӯзи имсол ва қабл аз эъломи таътилии бахши гардишгарии Тоҷикистон ба далели густариши коронавирус беш аз 60 ҳазор гардишгари хориҷӣ ба ин кишвар сафар карда буданд.

Бо ин ҳол мақомоти Кумитаи давлатии рушди гардишгарии Тоҷикистон мегӯянд, ки бо шарикони хориҷии хеш дар ҳоли музокира барои таҳияи барномаҳои ҳамкорӣ ба манзури ҷазби гардишгарони хориҷӣ дар даврони пас аз поёни буҳрони коронавирус мебошанд.

Назарҳо